சிறுநீரக தொற்று பிரச்சனை உள்ளவர்கள் , chronic kidney disease நோய்களால் பாதிக்கப்பட்டவர்கள் கண்மூடித்தனமாக எதை வேண்டுமானாலும் சாப்பிட முடியாது. குறிப்பிட்ட ஊட்டச்சத்து நிறைந்த உணவுகளை உண்டால் மட்டுமே அவர்களது சிறுநீரகத்தால் முறையாக செயல்பட முடியும். சிறுநீரக நோய் சார்ந்த பிரச்சனை உள்ளவர்கள் சாப்பிட வேண்டிய டயட் உணவுகள் என்ன என்பதை பார்க்கலாம்.

நாம் உண்ணும் உணவுகளில் இருந்து நமது உடலுக்கு தேவையான ஊட்டச்சத்துக்கள், வைட்டமின்கள், மினரல்கள் உள்ளிட்டவை கிடைக்கின்றன. அதிகமாக உடலில் சேரும் சத்துக்கள் மற்றும் கழிவுகளை ரத்தம் சிறுநீரகத்திற்கு கொண்டு சென்று சிறுநீரகத்தின் வழியாக சிறுநீராக வெளியேறி விடும்.

இதுவே, பலவிதமான கிட்னி பிரச்சனைகள், நாள்பட்ட சிறுநீரக கோளாறு உள்ளவர்களுக்கு இந்த செயல்முறை முறையாக நடக்காததால் இன்னல்கள் பலவற்றிற்கு ஆளாக நேரிடும். அதற்காகவே, குறிப்பிட்ட அளவிலான, குறிப்பிட்ட ஊட்டச்சத்துக்கள் உள்ள உணவுகளை மட்டுமே திட்டமிட்டு உண்ண வேண்டிய தேவை உள்ளது.

அப்படி கிட்னி பாதிப்பு உடையவர்கள் டயட்டில் சேர்த்து கொள்ள வேண்டிய உணவுகள், தவிர்க்க வேண்டிய உணவுகள் என்ன, எப்படி இந்த டயட்டை திட்டமிட வேண்டும் என்பதை பார்த்து விடுவோமா!

எந்த உணவுகளை சேர்த்து கொள்ளலாம்?

காலிஃப்ளவர், பளுபெர்ரீஸ், ரெட் கிரேப், ஆப்பிள், அண்ணாச்சி உள்ளிட்ட பழ வகைகளை டயட்டில் சேர்த்து கொள்ளலாம்.

முள்ளங்கி, கார முட்டைகோசு கீரை, வெங்காயம், குடை மிளகாய், பப்பரை, பூண்டு ஆகிய காய்கறிகள் மற்றும் தானிய வகைகளையும் உணவில் சேர்த்து கொள்ளலாம்.

முட்டை வெள்ளைக்கரு, தோல் உரித்த சிக்கன், கொடுவா மீன் ஆகியவற்றையும் கிட்னி பிரச்சனைகளுக்கான டயட்டில் சேர்த்து கொள்ளலாம்.

​எந்த உணவுகளை தவிர்க்க வேண்டும்?

பாக்கெட் ஸ்னாக்ஸ், பதப்படுத்தப்பட்ட உணவுகள் உள்ளிட்ட சோடியம் நிறைந்த உணவுகளை தவிர்த்தல் வேண்டும்.

பீன்ஸ், நட்ஸ் உள்ளிட்ட பாஸ்பரஸ் நிறைந்த உணவுகளை தவிர்த்து விட வேண்டும். அதிகமான புரோட்டின் எடுத்து கொள்ளாமல் பார்த்து கொள்ள வேண்டும்.

உருளைக்கிழங்கு, வாழைப்பழம் , ஆரஞ்சு, அவகேடா உள்ளிட்ட பொட்டாசியம் நிறைந்த உணவுகளை தவிர்த்து விடல் வேண்டும்.

அட்வான்ஸ் நிலை கிட்னி பாதிப்புள்ளவர்களால் அதிகப்படியான தண்ணீரை வெளியேற்றவோ அல்லது வைத்து கொள்ளவோ முடியாது என்பதால் அதிகமான நீர்ச்சத்தை எடுத்து கொள்ளுவதை தவிர்த்த வேண்டும்.

உப்பை குறைத்து கொள்ளுங்கள்.

நாள்பட்ட சிறுநீரக கோளாறுகளின் முக்கியமான அறிகுறி உடலில் சோடியம் நீர் சமநிலையை கட்டுப்படுத்தும் திறனை குறைந்து போவது. இதனால் அதிகப்படியான சோடியம் ரத்தத்தில் கலக்கிறது. இந்த நிலையைத்தான் ரத்த உப்பு அதிகரிப்பு அல்லது ஹைப்பர்நெட்ரீமியா என்று கூறுகிறோம்.

இந்த நிலை ஏற்படக்கூடாது என்றால் சோடியம் குறைந்த உணவுகளை எடுத்து கொள்ளுங்கள். பதப்படுத்தப்பட்ட உணவுகள் மற்றும் பேக்கிங் செய்த ஸ்னாக் வகைகள் உள்ளிட்ட உப்பு சத்து நிறைந்த உணவுகளை தவிர்த்து கொள்ளுங்கள்.

​ஃபிரெஷ் உணவுகளை பயன்படுத்துங்கள்.

பலரும் வேலை செய்வதற்கு சங்கடப்பட்டு கொண்டு பதப்படுத்தப்பட்ட உணவுகள், கடைகளில் விற்கும் பேக்கேஜ் உணவுகள் உள்ளிட்டவற்றை வாங்கி சேமித்து வைத்து சமைத்து உண்கின்றனர். இது போன்ற உணவுகளில் சோடியம் அதிகமாக இருக்கும்.

எனவே, தினசரி ஃபிரெஷ் இயற்கை காய்கள் மற்றும் பொருட்களை வாங்கி சமைத்து உண்ணுங்கள். அதுவே, உங்களை ஆரோக்கியமாக வைத்து கொள்ளவும், சிறுநீரக பிரச்சனைகளால் ஏற்படும் அறிகுறிகளை குறைக்கவும் உதவும்.

புரதச்சத்தை குறைத்தல்

undefined

உங்கள் உடலுக்கு புரதச்சத்து மிக அவசியமான ஒன்று என்றாலும் நாள்பட்ட சிறுநீரக நோய்கள் உள்ளவர்கள் குறைந்த அளவிலான புரதச்சத்தை எடுத்து கொள்வது நல்லது. அதிகமான புரதத்தை உண்ணுவதால் கழிவுகளை வெளியேற்ற சிறுநீர்கள் கடினமாக உழைக்க வேண்டி இருக்கும். எனவே, குறைந்த அளவு புரதத்தை எடுத்து கொள்ளுங்கள். விலங்குகள் சார்ந்த புரதங்களை விட, தாவரம் சார்ந்த புரதங்களை எடுத்து கொள்ளுங்கள்.